Sumqayıt məktəbində şəraitsizlik hökm sürür.
Sumqayit24.az-a daxil olan məlumata görə, 16 nömrəli məktəbdəki baxımsızlıq həm şagirdlərin, həm də valideynlərin narahatlığına səbəb olub.
Görüntüdən də aydındır ki, məktəb təmirsizdir.
Belə ki, sinif otağındakı divarlar qopub, hətta bəzi yerlərdə iri yarıqlar da var. Elə döşəmənin də yenilənməyə ehtiyacı var. Bundan əlavə, pəncərələr də yararsız vəziyyətdədir ki, havalar soyuduqca sinfi isitmək belə ayrı problemə çevriləcək.
Göründüyü kimi belə vəziyyət şagirdlərin də diqqətini dərsdən ciddi şəkildə yayındırır.
Şikayətçilər adiyyəti qurumlardan sözügedən yerə baxış keçirilməsini və məktəbin təmir edilməsini tələb edirlər.
