Misli Premyer Liqasının (MPL) 8-ci turunda "Karvan-Yevlax"ı qəbul edəcək "Sumqayıt"ın meydana itkilərlə çıxıb-çıxmayacağı dəqiqləşib.
Bu barədə Fanat.Az-a "kimyaçılar"ın sözçüsü Zaur Xudiyev məlumat verib:
"Çarpaz diz bağları qopduğu üçün uzun müddətə sıradan çıxan Ayxan Süleymanlını nəzərə almasaq, başqa zədəli və cəzalı oyunçu yoxdur. Komanda tam heyətlə qarşıdakı oyuna hazırlaşır".
Qeyd edək ki, "Sumqayıt" - "Karvan-Yevlax" qarşılaşması oktyabrın 18-da keçiriləcək. Matçın start fiti 18:00-da səsləndiriləcək.
