"Sumqayıt" çempionatda 75-ci ev qələbəsini qazanıb.
Sumqayit24.az xəbər verir ki, "gənclik şəhəri" təmsilçisi buna 223-cü matçında nail olub. Bu, Azərbaycan Premyer Liqasının VIII turuna təsadüf edib. Sumqayıtın eyniadlı klubu öz meydanında "Karvan-Yevlax"ı 4:1 hesabı ilə məğlub edib.
İlk ev qələbəsi 2011/12 mövsümünə təsadüf edən komanda 2011-ci il oktyabrın 30-da AZAL-a 2:1 hesabı ilə qalib gəlib. "Sumqayıt" ölkə çempionatlarının yüksək dəstəsində 75 və daha çox qələbə qazanan 12-ci komandadır.
